«Барлық отбасымен оқу»
| Барлық отбасымен оқу! |
Оқу сағаты
Кітапханашы: Н.Бейсембаева
2020-2021 оқу жылы
«Оқуға құштар мектеп» жобасы аясында «Барлық отбасымен оқу» атты
23 сәуір -Дүниежүзілік кітап күніне орай оқу сағатын ата –аналарға өткіздім.
Оқу сағатының мақсаты: Ата –аналардың назарын оқуға, олардың кітапқа деген сүйіспеншілігін арттыру.
Құрметті ата –аналар «Барлық отбасымен оқу» атты оқу сағатына қош келдіңіздер!
Кітап – білімнің түпсіз аспаны, терең бастауы! Кітап – рухани қазына, байлық, өмір айнасы, замана сыры, тарих шежіресі, оқу тәрбие құралы..
Кітап – ғылым, ол бүкіл адам баласына ортақ кітап бар білімнің, бар ғылымның бастауы. Кітап барлық заманда да білім қазынасының ғажайып қоймасы.
Қазақтың ұлы ақыны Абай Құнанбаев өз бетінше ізденудің, кітапты көп оқудың арқасында шығармашылығын жетілдірді, әрі бірнеше тілді меңгерді, ойшылдардың еңбегімен танысты.
Кітап – ең сабырлы ұстаз, үндемес серік. Тек кітап қана қайырымдылық пен айуандықтың, ақиқат пен жалғанның ара - жігін айнытпай танытып білуге үйретеді..
Кітапханашы: Бұдан 41 жыл бұрын, яғни 1972 жыл – ЮНЕСКО - ның шешімімен «Халықаралық кітап жылы» деп аталса, 1995 жылы 23 сәуір - «Халықаралық кітап күні» деп жарияланды. Міне, содан бері бұл күн Ресейде, Германияда, Америкада, т. б шетелдерде өте жоғары деңгейде аталып өтілуде. Астанада «Оқитын қоғам – бәсекеге қабілеттілік тірегі» атты халықаралық конгресс өткізілді. Кітаппен жақын болғанның қашанда жолы – даңғыл. Халықаралық кітап күнінің 23 сәуір күні тойлануына себеп болған, көптеген белгілі жазушылар (М.Сервантес, В.Шекспир, И.Вега, М.Дрюон және тағы басқалар) бұл күні дүниеге келіп, дәл осы күні дүниеден озған. Арабтың «кітап» деген сөзі қазақша «жазу», «жазба» деген мағынаны білдіреді. Кітаптың шығу мен дамуы сол жазу өнерінің пайда болуымен тығыз байланысты. Ол қажетті материалдардың ойлап табысуына және техниканың дамуына сәйкес жетілдіріле берді.
Ежелгі заманда Мысыр мен Шығыс елдерінде, Греция мен Римде кітап қыш тақталарға жазылды. Кітап тас бетіне де қашалып жазылды.Түркі халықтарының көне жазба мұрасы болып табылатын «Орхон – Енисей жазба ескерткіштерін» (7-9 ғ.) ашық аспан астында тұрған тас кітаптар, деуге болады.
Міне , кітаптар туралы алуан түрлі ақиқаттар бар. Біз кітап арқылы өткенге көз жібереміз.Жақсысынан тағлым аламыз,оны қымбат мұра ретінде бағалаймыз.Араб жазушысы әл –Жиһаз кітап туралы «Мен одан артық қайырымды көршіні, одан әділ досты,одан асқан елгезек жолсерікті, одан артық көнбіс ұстазды, одан асқан дарынды ақылшыны білмеймін» деген екен.Міне құрметті ата –аналар балаларыңызға кітаптан артық қазына жоқ екенін айтыңыздар. «Интернет бір күндік, кітап - мәңгілік»Интернетте көп отырғанша ,бір әдеби кітапты алып түсініп оқыса , сол оларға мәңгілік азық болады.Кітаптан асқан қазына жоқ. Ол –өлмейтін дүние.Ешқандай байлық,ешқандай дүние оның орнын баса алмайды.Пайдасы жоқ кітап болмайды.Кітап біткеннің бәрі ерте заманнан бері адамзат баласының тек пайдасына ғана жарап жатыр.Сіздер үйде әдеби кітапты балаларыңызбен бірге оқысаңыздар кітап туралы жақсы ойлар қалыптасады.Біз барлық білімді кітаптан аламыз. Ол бізді қайырымдылыққа, әдептілікке, зұлымдықпен күресе білуге үйретеді.
«Артық білім кітапта,ерінбей оқып көруге»-деп Абай атамыз айтпақшы, адам баласы үшін кітап –тілсіз тәрбиеші.Кітап адам баласына бала кезінен бастап, өмірінің соңына дейін сырлас досы бола алады.
«Буккроссинг» деген кітап айналымы. Бұл көбінесе интернет желісінде әдеби кітаптарды тауып оқып, сайтқа салу .Сол әдеби кітапты оқығысы келген адам сол сайтқа кіріп ,орнына басқа кітап қойып, алып оқиды. Парктерде, дүкендерде де арнайы жәшікке әдеби кітаптарды салып қояды. Сол әдеби кітаптарды оқығысы келген адам, орнына басқа кітапты қойып содан кейін керекті әдеби кітабын алып оқиды.
«Буктрейлер»-белгілі бір кітап туралы көркем түрде әңгімелейтін қысқа бейнеролик.Осы қысқа бейнеролик арқылы кітаптарға көңіл аудартып жарнама жасау, оқуға үгіттеу.
Міне ,ата –аналар бізге кітаптың берері өте мол.
Ата –аналар балаларының ертегі, әдеби кітаптарды оқып жүргендерін айтты. Арасында әдеби кітаптарды ата –аналар өздері де қызығып оқитындарын айтты,Буккоссингте тұрған кітап көрмеден ата –аналар әдеби кітаптармен танысты. Сондықтан да сіздерді кітап оқуға шақырамын. Отбасыларыңызбен бірге әдеби кітап оқыңыздар. Оқимын, білемін деген балаларыңызға көмектесіп кітап оқыңыздар.
Келіп ой бөліскендеріңізге көптен көп рахмет. Сау болыңыздар.
